Жаңа жылдың алғашқы күндері елордада күн райы аязды болады, деп хабарлайды Астана әкімдігінің ресми сайты "Қазгидромет" РМҚ-ға сілтеме жасап.
1 қаңтарда күн құбылмалы болып, аздаған қар жауады. Оңтүстік-батыстан, батыстан соғатын желдің жылдамдығы 9-14 м/с жетеді. Ауа температурасы түнде -21-23°С, күндіз -16-18°С құрамақ.
2 қаңтарда көшпелі бұлт шығады, жауын-шашынсыз. Оңтүстік батыстан жылдамдығы 2-7 м/с құрайтын жел соғады. Сынап бағанасы түнде -23-25°С, күндіз -17-19°С көрсетеді.
3 қаңтарда да көшпелі бұлт шығады, жауын-шашынсыз. Солтүстік-батыстан соғатын желдің екпіні 5-10 м/с жетеді. Ауа температурасы түнде -25-27°С, күндіз -17-19°С құрайды.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
