Денсаулық сақтау вице-министрі Ержан Нұрлыбаев дәрі бағасына қатысты пікір білдірді, деп хабарлайды inbusiness.kz сайты.
"Менде ондай болжамдар жоқ. Айта кеткім келетіні, жыл басынан бері Денсаулық сақтау министрлігіне қатысты дәрі-дәрмектің бағасын реттеу әдістемесі қайта қарауды қажет ететіні жайлы негізделген сын айтылды. Бұл мәселемен белсенді айналысып келеміз. 1 желтоқсанға дейін жаңа бұйрық шығады. Осылайша біз Қазақстан аумағында дәрілік заттардың шекті құнын есептеуді айқындаудың жаңа моделін енгіземіз. Бұл дәрінің объективті құнын анықтауға арналған. Осыған дейінгі нормативтік-құқықтық актілерде болған негізсіз үстемелер қолданыстағы шындыққа сәйкес келтірілетін болады", – деді Денсаулық сақтау вице-министрі Ержан Нұрлыбаев.
Қазір елімізде 6 891 дәрілік зат пен 13 мыңнан астам медициналық бұйым тіркелген.
