Оқиға салдарынан 10 адам қаза тапты. Оның 5-еуі кәмелетке толмағандар.
"Toyota" көлігінің ішінде 8 адам болған. Жол ережелері сақталып, жүргізуші мен жолаушылар қауіпсіздік белдігін тағып, сондай-ақ балаларға арналған орындықтар пайдаланылса, онда көлікке тек 4 адам ғана сияр еді. Бір ай бұрын "Duster" автокөлігінің жүргізушісі қауіпсіздік белдігін тақпағаны үшін ескертіліп, айыппұл салынған екен.
"Жол-көлік оқиғасының басты себебі – көлік құралының қарама-қарсы жол бағытына шығуы. Сонымен қатар жыл басынан бері мал жануарларының қатысуымен 3 жол апаты болып, оның салдарынан 2 адам қаза тауып, 2 адам дене жарақатын алды. Аймақтың халық саны күн сайын өсіп келеді. Біз халық санының өсуі бойынша Республика бойынша бірінші орын алып тұрмыз. Өткен жылы демалыс кезінде біздің өңірімізге 7 мың көлік құралымен 35 мыңға жуық турист келіп демалған. Сондай-ақ облыс бойынша автокөлік саны соңғы 5 жылда 15 мыңға өсіп, қазіргі уақытта 170 мыңға жетіп отыр", – дейді Маңғыстау облысы полиция департаментінің бастығы Аян Дүйсембаев.
Жыл басынан бері облыста 164 жол-көлік оқиғасы тіркеліп, 32 адам қаза тапты. 185 адам дене жарақатын алды.
