Компания берген ақпаратқа сүйенсек, жөндеу жұмыстарына арналған АСР арнайы техника өртенген.
Өрт №1 мұнай-газ өндіру басқармасы №4 тораптық шоғырланған сораптар станциясының өндірістік аумағында, бүгін сағат 09:25 шамасында орын алған.
Төтенше жағдай мұнай дайындау және өндірістік қызмет көрсету басқармасына қарасты ілеспе құбырда тоспа орнату кезінде болған.
"№2 скважиналарға қызмет көрсету басқармасының жөндеу жұмыстарына арналған АСР арнайы техникасы өртке шалынды. Өрт "Семсер – Өрт сөндіруші" ЖШСнің күшімен сөндірілді. Жану аумағы шамамен 10 шаршы метрді құрады. Өрт кезінде зардап шеккендер жоқ.", – делінген хабарламада.
Компания АСР арнайы техникасын қалпына келтіруге болатындығын жазады. Өрт себептерін анықтау мақсатында қызметтік тексеру жұмыстары жүргізілуде.
