Жарылыс салдарынан қайтыс болғандар саны 4 адамға жетті. Олардың үшеуі ересек, біреуі 3 жасар бала.
Оқиға бойынша ведомствоаралық комиссия жұмыс істеп жатыр. Жарылыс дерегі бойынша қылмыстық іс қозғалды.
Ауруханаға жатқызылған 6 адам ем алуда. Бір науқас облыстық ауруханаға жедел авиациялық тікұшақпен жеткізіледі. Жарылыстан барлығы 17 адам зардап шекті.
"Қайтыс болған азаматтардың отбасына қайғыра көңіл айтамын. Зардап шеккендерге және олардың отбасыларына материалдық көмек көрсетіледі, жаңа тұрғын үй беріледі. Апаттық жұмыстарға көмек көрсеткен еріктілер мен қала тұрғындарына алғыс айтамын. Қазіргі уақытта барлық адам үйінділердің астынан шығарылды", - деді облыс әкімі Нұрлан Ноғаев.
Үйінділерді тазарту жұмыстары аяқталды. Оған 350 адам жұмылдырылды.
