/img/1920х100.png
/img/tv1.svg
RU KZ
DOW J 24 580,91 Hang Seng 24 266,06
FTSE 100 6 045,69 РТС 1 215,69
KASE 2 384,89 Brent 36,55
Жанармай мен дизель отынын өндірушілер жыл соңына дейін акцизден босатылады

Жанармай мен дизель отынын өндірушілер жыл соңына дейін акцизден босатылады

Әлеуметтік маңызы бар тауарларға салынатын қосымша құн салығы 8%-ға дейін төмендейді.

30 Наурыз 2020 14:03 253

Жанармай мен дизель отынын өндірушілер жыл соңына дейін акцизден босатылады

Қазақстан үкіметі экспортқа авиа-отыннан басқа жанар-жағармай өндіретін компанияларды 31 желтоқсанға дейін акцизден босатты. Мұндай өзгерістер Қазақстан Республикасы Президентiнiң 2020 жылғы 16 наурыздағы № 287 Жарлығын iске асыру бойынша үкіметтің 2020 жылдың 27 наурыздағы №141 қаулысына сәйкес енгізілді. 

«Қазақстан Республикасының аумағында экспортқа өткізілетін бензин (авиациялықты қоспағанда), дизель отыны бойынша акцизделетін тауарларды өндірушілер 2020 жылғы 31 желтоқсанға дейінгі кезеңге акциз төлеуден босатылсын», – деп жазылған Премьер-Министрдің ресми ақпараттық ресурсында. 

Бұдан бөлек аталған қаулыға сәйкес әлеуметтік маңызы бар тауарларға салынатын қосымша құн салығы 8%-ға дейін төмендейді. Бұл өзгерістер 2020 жылдың 1 қазанына дейін жүзеге асады. Экономиканы тұрақтандыру мақсатындағы бастама импорттық азық-түлік түрлеріне қатысты. Сондай-ақ, үкімет қаулысына сәйкес орта және шағын бизнес субъектілері үшін барлық салықтар мен төлемдер мерзімі биылғы 1 маусымға дейін ұзартылды. Ал міндетті алымдарын өтемегендерге 1 маусымға дейін айыппұл салынбайды.

Құралай Құдайберген

Әуе компанияларының шығыны 312 млрд доллардан асты

Егер әлем елдері бірігіп, осы саланы құтқару үшін қаржы бөлмесе, ең ірі компаниялардың өзі жабылып қалуы мүмкін.   

16 Сәуір 2020 17:34 168

Әуе компанияларының шығыны 312 млрд доллардан асты

Індет өршігелі бері әуе  компаниялары орасан шығынға ұшырады. Олар соңғы екі айда 312 млрд доллардан қағылды, деп хабарлайды Atameken Business.

Егер халық карантин тәртібін сақтаса, жоғалтқан қаржының көлемі 25 пайызға кем болар еді дейді олар.

Әлем бойынша коронавирус жұқтырғандар саны 2 млн-нан асып кеткеніне қарамастан, Жаһандық әуе компаниялары қауымдастығы да тездетіп жұмысқа кірісуді қалайды. Себебі күн өткен сайын шығын көлемі көбейіп барады. Егер әлем елдері бірігіп, осы саланы құтқару үшін қаржы бөлмесе, ең ірі компаниялардың өзі жабылып қалуы мүмкін.   

«Ішкі рейстерден бастап, біртіндеп жұмысқа кірісу жоспарын әзірлеп қойдық. Сосын аймақтық, құрлықаралық байланысты біртіндеп іске қосу керек. Әрекетсіз отыра беруге болмайды»,– дейді Халықаралық әуе тасымалы қауымдастығының бас директоры Александр де Жюньяк.

Әзірге «Люфтганза», «Бритиш Эйруэйс» сынды компаниялар Қытай арқылы халықаралық рейске шығуға дайын екендерін мәлімдеді. АҚШ карантин мерзімін созғандықтан, ұшқыштарын қолдау үшін 25 млрд доллар бөлді. Ең ірі компаниялар 5-6 млрд доллар алып, қарыздарының 30 пайызын жабуға мүмкіндік алды. 

«Қаржы министрімен ақылдасып, әуе компаниялары қызметкерлерінің айлығын үкімет есебінен төлеу мәселесін қарастырамыз. Бұл – экономикасыздың аса маңызды саласы. Салық төлеушілерді қолдамасақ болмайды»,– дейді Ақ үй басшысы Дональд Трамп.

Әдетте осы мезгілде жаһанды шарлайтын жиһанкездер жіпсіз байланып отыр. Салдарынан 16 жыл қатарынан өсім көрсеткен авиаөндіріс шығыны еселеніп барады. Коронавирус таралмай тұрғанда, әуе өндірісінің сарапшылары биыл саяхатшылардың саны күрт артады, ұшақпен қатынайтын жолаушылардың саны 2063 жылға қарай екі есе көбейіп, 7 млрд 800 млн-ға жетеді деп болжаған еді.

Коронавирусқа қарсы алғаш рет екпе жасалды

44 жастағы азаматшаға келесі аптада вакцинаның екінші мөлшері егіледі. Сосын ол бір жыл дәрігерлердің бақылауында болады.

15 Сәуір 2020 16:07 241

Коронавирусқа қарсы алғаш рет екпе жасалды

COVID-19-ға қарсы әзірленген вакцина алғаш рет індетті жұқтырған Дженнифер Халлер есімді әйелге егілді, деп хабарлайды Atameken Business.

Америкалық бірнеше секундқа созылатын бұл процедураның әдеттегі тұмауға қарсы жасалатын екпемен бірдей екенін айтады.

Инъекция оның сол жақ иығына жасалылыпты. Алғашқы күні дене қызуы көтеріліп, екінші күні қолы қатты ауырған, содан кейін денсаулығы қалпына келген. Дейтұрғанмен, ол сақтық үшін оқшауланған.

44 жастағы азаматшаға келесі аптада вакцинаның екінші мөлшері егіледі. Сосын ол бір жыл дәрігерлердің бақылауында болады. Бұл жайлы жазған The Telegraph аталмыш вакцинаға мРНК-1273 деген атау берілгенін хабарлады. Оны «Сиэтл» ұлттық аллергия және жұқпалы аурулар институты жасаған.

Алдымен екпе жануарға жасалыпты. Нәтижесі жақсы болғандықтан оны адамдарға  сынап көруге шешімі қабылданыпты. Мұнан соң, ерікті түрде ем қабылдауға ықылас білдірген 45 адам таңдалған. Әрқайсысына 28 күн аралығымен бір екпеден жасалған. Сынаққа қатысқандардың денсаулығы 2021 жылдың көктеміне дейін бақыланбақ.