Қазгидромет синоптиктері 9 тамыз, жұмаға арналған ауа райы болжамын жариялады, деп хабарлайды inbusiness.kz сайты.
Оңтүстік циклон және онымен бірге келетін атмосфералық фронттар Қазақстанның бүкіл аумағына әсер етеді.
Сондықтан ауа райының тұрақсыз сипаты сақталады: найзағай жарқылдап, бұршақ және дауылмен бірге жаңбыр жауады, батыста, солтүстік-батыста, солтүстікте, орталықта қатты жаңбыр жауады.
Республика бойынша жел күшейеді, оңтүстікте шаңды дауыл, солтүстік-батыста, солтүстікте түнде және таңертең тұман түседі.
Күндіз Алматы, Түркістан, Жамбыл, Шығыс Қазақстан, Жетісу облыстарында, Абай облысының оңтүстігінде және Қызылорда облысында қатты ыстық сақталады.
Солтүстікте, Алматы облысы мен Жетісу облысының орталығында, Түркістан облысының шөлді аудандарында өте қатты аптап ыстық болады.
