Ол тұрғындарды өзара байланысты шектеуге шақырды.
"Соңғы 7 күнде қалада СOVID-19-ды жұқтыратын негізгі орындар: сауда нысандары (ауру жұқтыру көрсеткіші – 35%), отбасындағы байланыс (19%), қоғамдық көлікте қатынау (16%), базарлар (14%), саябақ пен халықтың демалатын орындар, көшелер (3,6%) болды", - деді санитарлық-эпидемиологиялық бақылау департаментінің басшысы өңірлік коммуникация қызметінде өткен брифингте.
Жандарбек Бекшин ауруды жұқтыру қаупі жоғары орындарды атады.
"Соңғы аптада коронавирус жұқтыру көрсеткіші туыстары және көршілермен байланыста болғандар арасында 0,2-0,4%-ға, азық-түлік емес дүкендерде 0,1%-ға, қоғамдық тамақтану нысандарында, мейрамханаларда, дәмхана мен асханаларда –0,2%-ға, монша мен сауналарда – 0,4%-ға өсті", - деді қаланың бас санитар дәрігері.
Басқарма басшысы Ashyq жобасына қатысушы нысандарда СOVID-19 жұқтыру дерегі 106-дан 186-ға дейін артқанын айтты.
"Ashyq арқылы ХҚКО-да 16 адам, сауналарда, бассейн мен фитнес-орталықтарда 11 адам, мейрамханаларда, кафелерде 8 адам, банкет залдарда 5 адамның коронавирус жұқтырғаны анықталды", - деді Жандарбек Бекшин
Бас санитар дәрігер алматылықтарға маска тағып, арақашықты, карантин талабын қатаң сақтауға кеңес берді.
