Қазақстандық боксшы Жәнібек Әлімханұлы (5-0, 2 КО) титулды жекпе-жек алды салмақ өлшеу рәсімінен сәтті өтті, деп хабарлайды Vesti.kz.
25 жастағы Әлімханұлы 12 сәуір Лос-Анджелестегі Staples Center аренасындажекпе-жек өткізеді. Бұл бокс кешінің басты жекпе-жегінде жеңіл салмақта WBA (Super) және WBO чемпионы украиналық Василий Ломаченко (12-1, 9 КО) британиялық Энтони Кролламен (34-6-3, 13 КО) жұдырықтасады.
Қазақстандықтың қарсыласы 27 жастағы мексикалық Кристиан Оливас (16-4, 13 КО). Жекпе-жек жеңімпазы орта салмақта бос тұрған екі – WBO Global және WBC Continental Americas белбеуін тағады.
Екі боксшы да орта салмақ лимитінен асқан жоқ. Әлімханұлы таразыда тура 160 фунт көрсетті, ал қарсылас бірнеше грамм жеңіл болып шықты.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
