Кездесуде Қазақстанның Тұңғыш Президентіне ассамблеяның қазіргі қызметі және ХХVII сессияда айтылған міндеттерді жүзеге асыру үшін қолға алынып жатқан шаралар туралы мәлімделді, деп хабарлайды Ақорданың баспасөз қызметі.
Нұрсұлтан Назарбаев ассамблеяның тұрақтылықты сақтау және қоғамның бірлігін нығайту үшін атқарылып жатқан жұмыстардың маңыздылығын атап өтті.
"Қазақстан халқы ассамблеясы қоғамды біріктіретін құрылым. Әр өңірде кіші ассамблеялар жұмыс істеуде, достық үйлері ашылды. Қазір еліміз үшін тұрақтылықтың маңызы зор. Тұрақтылық болмаса, барлық жетістіктерімізден айырыламыз. Сондықтан, Қазақстан халқы ассамблеясының басты міндеті – халықтың бірлігін нығайту үшін қоғамды жұмылдыру", – деді Елбасы.
Жансейіт Түймебаев этномәдени бірлестіктердің Қазақстан Республикасының Тұңғыш Президентіне бейбітшілік пен келісімді сақтағаны, сондай-ақ ел экономикасын дамыту ісіндегі жетістіктері үшін зор ризашылық білдіретінін атап өтті.
