Жапония үкіметі коронавирус пандемиясынан зардап шеккен экономиканы ынталандыру үшін 708 млрд доллар шығындауды жоспарлап отыр. Бұл туралы жергілікті басылымдар хабарлады. Бекітілген қаражат сондай-ақ жасыл және цифрлық инновациялар саласына да құйылады.
Ел премьер-министрі Йосихидэ Суганың айтуынша, оның 384 млрд доллары ауаға бөлінетін көмірқышқыл газының мөлшерін азайту және цифрлық технологияларды дамытуға бағытталады.
Ресми Токио коронавирус салдарымен күрес үшін осы күнге дейін 3 трлн доллар бөліп отыр. Reuters агенттігінің дерегінше, бұл елдің экономикасы бір тоқсанда 5,3%-ға өсіп, қыркүйек айында оң сальдо мөлшері 2,14 трлн иенге жеткен.
Табиғат Нұрболат
Фото: ft.com
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
