Yomiuri газетінің хабарлауынша, тиісті шешім тамыз айының басында күшіне енуі мүмкін. Сонымен қатар, Жапония билігі Ресейге электромобильдер мен гибридтерді экспорттауға толығымен тыйым салады, деп жазады Inbusiness.kz.
2022 жылы қолданылған автомобильдер Ресей Федерациясына жапон экспортының негізгі тауарына айналды. Аталмыш көлік құралдарын Ресейге жеткізу көлемі Жапониядан тиісті өнім экспортының жалпы көрсеткішінің 26%-ын құрады. Мәселен, өткен жылы Ресей Федерациясына жалпы құны шамамен 250 млрд иен ($1,8 млрд) болатын 200 мыңға жуық автокөлік жіберілді. Басылымның пікірінше, жаңа санкциялар енгізілгеннен кейін экспорт тек шағын көлемді көліктермен шектеледі және оның ақшалай мөлшері шамамен 100 миллиард иенге ($720 миллион) дейін төмендейді.
