Хагибис тайфунынан зардап шеккендерге арналған қаражат мемлекет бюджетінің резервтік қорынан жұмсалады. Нақтырақ айтқанда, жергілікті билік баспанасынан айырылғандар мен сұрапыл желден жапа шеккендерге азық-түлік, ауыз су және басқа керек-жарақтарды сатып алып береді.
Ел премьері Синдзо Абэнің айтуынша, үкімет тайфунға "дүлей апат" деген мәртебе беріп, қирап қалған аудандарға бөлінетін мемлекеттік субсидия көлемін көтермек.
Соңғы дерек бойынша, Жапониядағы Хагибис жойқын желінен ажал құшқандардың саны 74-ке жеткен. Тайфун өткен аптаның соңында ойран салған болатын. Салдарынан әуежайлар мен бірқатар теміржол вокзалдары жұмысын тоқтатып, 800-ден астам рейс кейінге шегерілді.
Табиғат Нұрболат
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
