Жапонияда нөсер жауын салдарынан көшкін жүріп, құрбан болған адамдар саны 58-ге жетті, деп хабарлайды ҚазАқпарат.
ТАСС келтірген мәліметтерге сай, 44 адам із-түзсіз жоғалып кеткен. Құтқарушылар Жапонияның азаматтық қорғаныс күштерінің көмегімен жексенбі күні таңда іздеу жұмыстарын қайта жалғастырды.
Ел үкіметі премьер-министр Синдзо Абэнің басшылығымен табиғат апатына байланысты шұғыл отырыс өткізді.
"Көптеген адамдардың қауіпсіздігі қыл үстінде тұр. Бар күшті адамдарды құтқару жолына салу керек", - деп атап өтті Абэ.
Айта кетейік, нөсер жаңбыр "Прапирун" тайфунының әсерінен туындаған болатын.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
