Жапонияда оқыс оқиға тіркелді. Тапа-тал түсте елдің Накано қаласында атыс болып 4 адам көз жұмды, деп хабарлайды inbusiness.kz тілшісі.
Полицияның деректері бойынша, бетперде таққан ер адам бір әйелді пышақтап, басқа тұрғындарға оқ жаудырған. Екі полицей оқиға орнында көз жұмды.
Атысты ұйымдастырған 31 жастағы ер адам 12 сағаттан соң тұтқындалды.
Сондай-ақ, күдіктінің мылтығы арнайы аңшылыққа арналғаны белгілі болды. NHK телеарнасының деректеріне сәйкес, күдікті ер адам – жергілікті шенеуніктің баласы. Қазір тергеу амалдары жүріп жатыр.
Айта кету керек, Жапонияда қарулы атыс өте сирек кездеседі. Себебі қару-жарақ саудасы мұқият бақылауда.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
