Жапонияда 1 қаңтардан бері жалғасып жатқан жер сілкінісінен қаза тапқандар саны 161-ге жетті, деп хабарлайды сайты 47News жаңалықтар порталына сілтеме жасап.
Жапонияның аймақтық билігі табиғат апаты салдарынан кем дегенде 560 адам әртүрлі дәрежеде зардап шеккенін мәлімдеген.
"Бұл елдегі 2016 жылы елдің оңтүстік-батысындағы Кумамото префектурасында 273 адамның өмірін жалмап кеткен жер сілкінісінен кейін тіркелген ірі қайғылы оқиға болып отыр", - делінген хабарламада.
Төтенше қызметтер 195 тұрғынды әлі таба алмай отыр. Ең үлкен шығын Исикава префектурасында болған, ол маңда кем дегенде 1370 үй толықтай немесе жартылай қирап қалған. Сондай-ақ өрт салдарынан 300-ге жуық ғимарат жермен жексен болды. Зардап шеккен аймақта электр қуаты, су және жанармай тапшылығы сезіліп жатыр.
Апат аймағында Жапонияның өзін-өзі қорғау күштерінің бөлімшелерімен бірге іздеу-құтқару операциясы жалғасуда. Құтқарушылар соңғы рет 6 қаңтарда үйінді астынан тірі адамды – қираған үйінің үйіндісінің астында бес күннен астам уақыт жатқан 90 жастағы кейуананы тауып алып шықты.
