Жапониядағы жер сілкінісінен қаза тапқандар саны 30 адамға жетті, деп хабарлайды inbusiness.kz сайты жапондық БАҚ-қа сілтеме жасап.
Сондай-ақ, қираған 50-ден астам ғимарат үйінділерінің астында адамдар болуы мүмкін.
Бұған дейін, зілзала салдарынан 13 адам қайтыс болғаны хабарланған еді.
Еске сала кетсек, дүйсенбі күні Хонсю аралындағы Вадзима қаласынан шығыс-солтүстік-шығысқа қарай 30 шақырымдай жерде орналасқан Исикава префектурасында 7,6 балдық жер сілкінісі орын алды. Алғашқы дүмпуден кейін 80-нен астам толқулар болды.
Ең көп зардап шеккен – Исикава префектурасының Вадзима қаласы. Онымен теміржол қатынасы үзілді.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
