Оның 61-і республикалық және облыстық деңгейдегі басшылар және 7 өңірлік әкім мен олардың орынбасарлары. Жемқорлар тізімінде вице-министр мен бірнеше судья да бар. Олардың заңсыздық әрекеттерінен келген залалдың 15 млрд. теңгесі... қазынаға қайтарылды. Сонымен қатар, кәсіпкерлер жұмысына орынсыз килігудің - 60 жағдайы, көлеңкелі экономика субъектілеріне қамқорлық жасаудың - 45 фактісі, жүйелі сыбайлас жемқорлықтың 61 фактісі тіркелген. Бұл жауапты агенттік төрағасы Марат Ахметжановтың алқа мәжілісінде айтқан ақпараты. Десе де, еліміздегі коррупция көрсеткіші өткен жылмен салыстырғанда 35%-ға төмендеген. Бірақ бұл жемқорлармен күресті тоқтату керек дегенді білдірмейді.
Жауапты агенттіктің бүгінгі алқа мәжілісінде, жемқорлық санын азайтуға бағытталған шаралар ұсынылды. Мысалы құрылыс басталмай жатып жобалық қаржыландыруды енгізу. Өзекті мәселе – Бюджеттік жоспарлау мен сол қаржыны жұмсау тәртібінде жатыр деген пікір де айтылды.
