"Облыс әкімдігінің жұмыс тобы және Қорғаныс министрлігі берген ақпаратқа сәйкес, менің ойымша, жарылыстың салдарын толық жою үшін 2-3 күн керек", - деді министр журналистерге.
Оның айтуынша, бүгінде бықсып жатқан 2 қойма бар.
"Қорғаныс министрлігі мен өрт сөндіру қызметінің саперлері оқиға орнында жұмыс істеп жатыр. Жарылмаған оқ-дәрілер бар", - деді Юрий Ильин.
Сондай-ақ, жарылыстан келген шығын есептеліп жатыр.
Юрий Ильин жүк пойыздарының қозғалысы шектелмегенін, ал жолаушылар тасымалына қатысты шешім бүгін шығарылатынын жеткізді.
"Бірақ бұл нақты ақпарат емес.Себебі үйінділерді алу үшін көп уақыт керек. Сіздер оқ-дәрілермен жұмыс істеу кезінде саперлерге қауіп төнбеу керегін түсінетін шығарсыздар", - деді ведомство басшысы.
Еске салайық, 26 тамызда Жамбыл облысы Байзақ ауданындағы әскери бөлімде жарылыс болды. Салдарынан 13 адам қаза тапты.
