Көрсеткіш бір жыл бұрынғыға қарағанда 3,9%-ға артқан, деп хабарлайды inbusiness.kz тілшісі finprom.kz порталына сілтеме беріп.
Өңірлік бөліністе мұндай кәсіпорындардың басым бөлігі Алматыда (2,5 мың компания). Ондағы жылдық өсім – 6,8%. Көшбасшылар үштігіне Астана (2 мың кәсіпорын, жылына 3,1% өсім) және Шымкент (647 кәсіпорын, жылына 7,5% өсім) кірді. Осы үздік үш өңірге сектордағы компаниялардың 60,4%-ы келді.
Салалар бойынша айтар болсақ, жас әйелдер басқаратын кәсіпорындардың көпшілігі көтерме және бөлшек сауда, автожөндеу саласында жұмыс істейді (2,8 мың). Бір жыл бұрынғыға қарағанда 4,3%-ға азырақ. Одан кейін құрылыс және білім беру салалары (мың кәсіпорын және 683 компания).
Ал мемлекеттік басқару және қорғаныс, энергиямен жабдықтау, сондай-ақ тау-кен өндірісі салаларында көрсеткіш төмен.
Жас әйелдердің иелігіндегі 896 компания ауылдарда (жылына 21,9% қосу), 7,6 мың компания қалаларда (2,1% қосу) жұмыс істеді.
Елімізде әйелдерді өз ісін ашуға, атап айтқанда ауылда ашуға үйрететін көптеген мемлекеттік бағдарламалар әзірленді. Сарапшылар оңтүстік өңірлердегі ауыл әйелдерінің форумында атап өткендей, жоғары білімі бар әйелдер өз ісін ашқысы келеді, ал орта білімі бар әйелдер алдағы үш жылда өз ісін ашуға дайын.
