6 жұмыс беруші – әкімшілік, 6 адам тәртіптік жауапкершілікке тартылған, деп жазады inbusiness.kz cайты.
"Қадағалау актісі негізінде 601,3 млн теңге жалақы өндірілді. Мысалы, "Жастар практикасы" бағдарламасы аясында жұмыспен қамтылған 2 360 жасқа 264 млн теңге жалақы қарызы төленді", – деп мәлімдеді облыс прокуроры Ризабек Ожаров.
Қадағалаушы орган еңбекті қорғау және еңбек қауіпсіздігі бойынша да кемшіліктер тапты.
Облыстағы 8 мыңнан астам жұмыс беруші жұмысшыларын жазатайым оқиғалардан міндетті түрде сақтандыру туралы шарт жасамаған. Оның арасында күріш өсіру саласындағы іргелі құрылым – "Абзал және К" серіктестігі де бар.
Компания 511 адамға байланысты шарт жасамаған. Кемшіліктер бойынша қадағалау актісі енгізіліп, нәтижесінде 55 жұмыс беруші 500-ден астам жұмысшысын жазатайым оқиғадан сақтандырды.
Облыстық прокуратура бұдан өзге Қызылордада іссапар шығынын өз шотына аударған бас есепшілер тергеліп жатқанын хабарлады.
