Қарағандыда 2500-ге жуық көпқабатты үй ыстық сусыз қалды. Осыған байланысты қарағандылықтар ыстық суды қайнатып шомылуға немесе қымбат титандарды орнатуға мәжбүр, деп хабарлайды inbusiness.kz сайты.
Диас Елемес Құрылысшылар көшесінде тұрады. Ол өзінің жалға алатын пәтеріне қымбат су жылытқыш орнатуға мәжбүр. Ал нарықта олардың бағасы шарықтап тұр. Диас әзірше суды шәйнекпен жылытып қолданады. Қарағанды тұрғыны осылайша жарыққа төлейтін құнының да өсіп кеткенін айтып шағымданды.
"Міне жаз басталмай тағы да суды өшіріп тастады. Бұл жылыту жүйесімен келетін су болған. Оның өзін мамырдың 10-ы күні өшіреді. Содан қазанда жылытуды қосқанда бірақ келеді су. Оған дейін осылай күнелтеміз. Бұл масқара ғой. Басқа қалаларда ыстық су жыл он екі ай болады. Бізде бір шешілмейтін мәселе болды. Жазда ыстықтайсың, көп шомылу қажет. Ал, біз осылай суды ысытып жүреміз", - деді ашынған Қарағанды қаласының тұрғыны Диас Елемес.
Амантай Ғалы да осындай мәселемен келіп отыр. Зейнеткердің қымбат су жылытқыш алуға қаржысы жоқ. Қарт кісі оны алсам да, электр энергиясының бағасы шарықтап кетеді деп ашуланды.
"Титан орнатсам, жарыққа төлейтін баға көп шығып кетеді. Зейнетақының түрі мынау. Не істерімді білмеймін. Қарағандылық билік бұл мәселені шешпей қойды. Баяғыдан осы көріп келе жатқанымыз. Ыстық суға бір жарымай қойдық", - деп налыды Қарағанды тұрғыны Амантай Ғалы.
"Теплотранзит Қарағанды" компаниясы бұл мәселені біледі. Бірақ, жаңа жылыту маусымына дейін су беруді қайта бастамайтынын атап өтті. Кеншілер астанасындағы ыстық сумен жабдықтау жүйесі жылу трассасынан келеді. Енді гидравликалық сынақтар жүргізілуде. Содан кейін ескі құбырлардың бір бөлігін жаңасына ауыстыру басталады. Бір жазда барлық 900 км желіні ауыстыру мүмкін емес, дейді энергетиктер. Сондықтан тұтынушыларға су беруді толығымен тоқтатуға тура келді.
"Бұл екі жылу құбыры бар, олар қайта құруға жатады. Яғни, құбырлар кесіледі, жаңа құбырлар бөлігі жеткізіледі және бір жазда, мысалы, құбырды толығымен жасау бұл да шындыққа жанаспайды. Яғни, мұның бәрі кезеңдерге бөлінеді", - деп жауап берді "Теплотранзит Қарағанды" ЖШС Бас директоры Андрей Ляпунов.
Қарағандыда ыстық сумен жабдықтаудың ашық жүйесі жұмыс істейді, дейді мамандар. Пайдалануға арналған су батареялардағы техникалық болып табылады. Мұндай ұсынысты енді өзгерту мүмкін емес. Қаланың барлық көпқабатты үйлеріне жаңа жеке құбырлар салу үшін үлкен ақша қажет. Өңірдің құрылыс салушылар қауымдастығында қалалық мәслихат депутаттары басқа тәсілді ұсынады. Сонымен бірге суық суды жылытуға арналған жылытқышпен алмастыруға кеңес береді.
"Сіздің үйіңіздегі суды жылытады. Қарағандыдан су келеді мұнда оны іске қосамыз. Ол сізге жылулық береді және біз есептегішті осында қоямыз. Ал, су спираль сияқты қызады. Содан кейін біз жылу алмастырғышты одан қоямыз, радиаторларды қуаттаймыз және ыстық сумен жабдықтауды бөлек жүргізе аламыз", - деді Қарағанды облысының құрылыс салушылар қауымдастығының басшысы Төлеген Әшімов.
Бір жылу алмастырғыштың құны 1,5 миллион теңгеге дейін жетеді, деп атап өтті халық қалаулысы. Сонымен қатар қала бюджетінен қаражат бөлуді қолдайды. Әзірге жоба талқылау сатысында.
