Сарапшылар жазда студенттер жұмысты қайдан таба алады, жалақысы қанша деген сұрақтарға жауап іздеген.
"Сервис дерегі бойынша студенттер үшін ұсыныстардың көпшілігі "Мансаптың басталуы, тағылымдама, тәжірибе" айдарында орналастырылған, еліміз бойынша орташа жалақы – 73 мың теңге (хабарландыру санының 22%-ы), "Бөлшек сауда, сату, сатып алу" айдары – орташа жалақы 87 мың теңге (хабарландыру санының 15%-ы), "Әкімшілік персонал" айдары – орташа жалақы 112 мың теңге (хабарландыру санының 12%-ы)", – деп жазылған хабарламада.
Жұмыс тәжірибесі жоқ үміткерлер үшін ұсыныс нарығы төмендегідей:
Әкімшілік персенол – 12%, Бар, кафе, мейрамхана – 3%, Маркетинг, жарнама, дизайн – 3%, Мансаптың басталуы, тағылымдама, тәжірибе – 22%, Бөлшек сауда, сату, сатып алу – 15%, Құрылыс, сәулет – 3%, Қызметтің басқа салалары – 42%.
2021 жылғы мамыр-маусымда Жұмыс берушілер тәжірибесі жоқ студенттер үшін келесі жалақыны (Қазақстан бойынша орташа жалақы) ұсынуға дайын:
Әкімшілік персенол – 111 667 теңге (өткен жылғы осы кезең – 86 723 теңге), Бар, кафе, мейрамхана – 53 923 теңге (өткен жылғы осы кезең – 79 100 теңге), Қызметтің басқа салалары – 42 766 теңге (өткен жылғы осы кезең – 76 193 теңге), Интернет, IT, компьютер, телеком – 39 429 теңге (өткен жылғы осы кезең – 94 231 теңге), Маркетинг, жарнама, дизайн – 36 667 теңге (өткен жылғы осы кезең – 105 625 теңге), Мансаптың басталуы, тағылымдама, тәжірибе – 72 568 теңге (өткен жылғы осы кезең – 92 166 теңге), Бөлшек сауда, сату, сатып алу – 86 915 теңге (өткен жылғы осы кезең – 88 022 теңге), Құрылыс, сәулет – 54 300 теңге (өткен жылғы осы кезең – 42 286 теңге).
Қазақстан қалаларындағы бос жұмыс орындары мен орташа жалақыға тоқталайық. Ақтауда "Әкімшілік қызметкерлер" санатындағы ең жоғары орташа жалақы – 130 мың теңге, ал Таразда ең төменгі жалақы – 75 мың теңге.
"Бар, кафе мен мейрамхана" санатындағы орташа жалақы – 91 мың теңге болса, "Мансаптың басталуы, тағылымдама, тәжірибе" санатындағы орташа жалақы 105 мың теңге. Нұр-Сұлтанда "Интернет, IT, компьютер, телеком" санатындағы ең жоғары орташа– 100 000 теңге, "Бөлшек сауда, сату, сатып алу" – 114 000 теңге және "Құрылыс, сәулет" – 250 000 теңге. Қызылордада маркетолог, жарнама беруші мен дизайнердің еңбегі жоғары бағаланады: орташа жалақы – 100 мың теңге", – деп жазылған хабарламада.
Дәурен Ерболат
