"Жолаушылар тасымалы" АҚ-ы жаз маусымында қосымша пойыздарды іске қосады, деп хабарлайды "Жолаушылар тасымалы" АҚ баспасөз қызметі.
13-ші маусымнан бастап тамыздың 30-на дейін № 201/210 "Алматы –Түркістан" бағыты бойынша аптасына екі рет пойыз жүреді. Ал № 207/208 "Алматы - Шымкент" бағыты бойынша. Аптасына екі рет. 13-ші маусымнан бастап тамыздың 30-на дейін жүреді. № 205/206 "Маңғыстау-Бейнеу" бағыты бойынша жүретін қосымша пойыз күнара, 10-шы маусымнан бастап 30-шы тамызға дейін қатынайды. Сондай–ақ 30-шы маусымнан бастап тамыздың 30-на дейінгі аралықта "Нұр-Сұлтан - Достық" бағытында жүретін қосымша пойыз іске қосылады деп күтілуде.
Ұлттық тасымалдаушы өз жолаушыларына сапарларын алдын-ала жоспарлап, ертерек жол жүру билеттерін алуды ескертеді.
