/img/tv1.svg
RU KZ
FTSE 100 5 613,14 РТС 1 008,70
Hang Seng 23 497,47 KASE 2 224,17
DOW J 22 388,96 Алтын 1 625,30
Жеке сот орындаушылары ақша бопсалайды, ал менеджерлер пара сұрайды – Алик Шпекбаев

Жеке сот орындаушылары ақша бопсалайды, ал менеджерлер пара сұрайды – Алик Шпекбаев

Жеке сектордағы жемқорлықты жоюға басымдық беріледі.

27 Ақпан 2020 17:00 1166

Жеке сот орындаушылары ақша бопсалайды, ал менеджерлер пара сұрайды – Алик Шпекбаев

Фото: Валерий Бугаев

Сыбайлас жемқорлыққа қарсы іс-қимыл агенттігінің төрағасы Алик Шпекбаев кәсіпкерлердің IV республикалық форумында соңғы үш жылда кәсіпкерлікке кедергі келтірудің 970 фактісі тіркеліп, 351 лауазымды тұлға сотталғанын мәлімдеді. 

«Антикоррупциялық стратегия 2025 жылға дейін үздіксіз жалғасады. Қылмыстық заңнамаға енгізілген түзетулер мен өзгерістерге сәйкес, басқару құқығы берілген лауазымды тұлғалар ерекше назарда болады. Жеке сектордағы жемқорлықты жоюға басымдық беріледі. Осы арқылы біз шағын және орта бизнес саласындағы жемқорлық пен парақорлықтың алдын аламыз», – деді Алик Шпекбаев.

Оның сөзінше, бүгінгі таңда мемлекеттік органдар мен квазимемлекеттік секторларда ғана емес, коммерциялық банктерде,табиғи монополия субьектілерінде, тіпті ритейл саласында да жемқорлық белең алып тұр. 

«Мысалы супермаркеттерде өндірушінің тауарын көзге көрінетін жерге орналастыру үшін ресми төлемнен бөлек, менеджерлерге пара беру керек», – деді агенттік төрағасы.

Алик Шпекбаевтың айтуынша, жеке сот орындаушылары да азаматтардан ақша бопсалауды әдетке айналдырып алған.

«Жеке сектордағы жемқорлықтың тамырына шабылғанда ғана, шағын және орта бизнестің тасы өрге домалайды. Біз мақсатқа жету үшін жемқорлықпен күрестің қарқынын үдете береміз», – деді Алик Шпекбаев.

Қанат Махамбет

inbusiness.kz-ті қараңыз, оқыңыз :

Кәсіпкерлердің IV республикалық форумы басталды

2020 жылға арналған жол картасына қол қойылады. 

27 Ақпан 2020 11:28 201

Кәсіпкерлердің IV республикалық форумы басталды

«Атамекен» ұлттық кәсіпкерлер палатасы мен сыбайлас жемқорлыққа қарсы іс-қимыл агенттігі бірлесіп өткізіп жатқан жиында палата мен агенттіктің былтыр қабылдаған жол картасы аясында атқарған жұмыстарының  қорытындысы жарияланады. Сонымен қатар «Сатып алулардың бірыңғай терезесі» (eoz.kz) порталының жұмыс істеу нәтижесі мен мемлекеттік органдардың барлық деректер базасымен біріктірілген кәсіпкерлік субъектілерінің бизнес-тізілімін құру туралы есеп беріледі.

Басқосу барысында сыбайлас жемқорлыққа қарсы іс-қимыл агенттігінің төрағасы Алик Шпекбаев, «Атамекен» ұлттық кәсіпкерлер палатасы басқарма төрағасы орынбасарының міндетін атқарушы Ербол  Өстеміров баяндама жасайды. 

Шара шеңберінде «Атамекен» ұлттық кәсіпкерлер палатасы мен сыбайлас жемқорлыққа қарсы іс-қимыл агенттігінің басшылары ынтымақтастық туралы келісімді жүзеге асырудың 2020 жылға арналған жол картасына қол қояды. 

Қанат Махамбет

Бас бухгалтер бас бостандығынан айырылды

Ол бюджет қаражатын карталық шотына аударды деп айыпталды.

20 Ақпан 2020 16:07 135

Бас бухгалтер бас бостандығынан айырылды

Шығыс Қазақстан облыстық ауруханасының бас бухгалтері 92 млн 500 мың теңгені қолды қылғаны үшін 7 жылға сотталды. 

Сыбайлас жемқорлыққа қарсы іс-қимыл агенттігінің 1-департаментінің аға тергеушісі Данияр Бекайдаровтың мәлімдеуінше, бұрын денсаулық сақтау басқармасының Шемонаиха орталық аудандық ауруханасының бас бухгалтері болған О. Десюпова 92,5 млн теңге көлеміндегі бюджет қаражатын өзінің карталық шотына аударған. 

«Шығыс Қазақстан облысы Шемонаиха аудандық сотының үкімімен О. Десюпова 7 жылға бас бостандығынан, сондай-ақ мемлекеттік қызметте қызмет атқару құқығынан айырылды», – деді аға тергеуші.

Қанат Махамбет 

Жаңалықтарға жазылу: