Әлеуметтік желіде Семейдегі “Дарынды балаларға арналған Ш.Уәлиханов атындағы “Жас-Ұлан” арнайы ерлер мектеп-лицей-интернатында”тәрбиеленушілер мен офицер арасында болған оқиғаның бейнежазбасы тарады. Оқиғаның екеуі де былтыр болған.
Облыстық білім басқармасының мәліметінше, 3 ақпан күні әлеуметтік желілердің мониторингі барысында 111-взвод ұланы 91-взвод ұланына соққы берген бейнежазба, бұдан бөлек офицер 71-взвод ұланын белбеуімен ұрған бейнежазба табылды.
“Аталған фактілер өткен жылдың қазан айында болды. Қызметтік тергеу барысында бұл фактілер расталып, кінәлілерге қатысты тәртіптік жаза қолданылған. 111-взводтың тәрбиеленушісі 2023 жылдың 6 ақпанында оқудан шығарылды, офицер 2023 жылдың 8 ақпанында қызметінен босатылды”, - делінген хабарламада.
