/img/tv1.svg
RU KZ
DOW J 24 580,91 Hang Seng 24 266,06
FTSE 100 6 045,69 РТС 1 215,69
KASE 2 448,70 Brent 36,55
Жеңіл атлетиканың кейбір түрлерінен олимпиадаға іріктеу турнирі басталады

Жеңіл атлетиканың кейбір түрлерінен олимпиадаға іріктеу турнирі басталады

Бұл туралы World Athletics ресми түрде мәлімдеді.  

02 Тамыз 2020 17:48 188

Жеңіл атлетиканың кейбір түрлерінен олимпиадаға іріктеу турнирі басталады

2020 жылдың 1 қыркүйегінен бастап марафон мен спорттық жүрістен Олимпиада ойындарына іріктеу кезеңдері қайта басталады, деп жазады Olympic.kz. 

1 қыркүйектен бастап аталған спорт түрінің өкілдері Олимпиада жолдамасына таласты бастайды. 

Әлемдік ұйымның бұл шешімді қабылдауына қазіргі ахуал түрткі болып отыр. Спортшылар ресми жарыстардың жоқтығынан норматив орындаудың қиындығын алға тартуда. 

«Әйгілі марафондардың басым бөлігі күзге ауыстырылып, кейбірі мүлде өтпейтін болды. Пандемияның өршуі көпшілік жарыстың тағдырын шешіп тастады. Осының бәрін ескере келе, бұл шешімді қабылдадық», –  дейді World Athletics басшысы Себастьян Коэ. 

Эльмира Сыздықова олимпиада жолдамасын ұтып алды

Күрес түрлерінен Нұр-Сұлтанда өтіп жатқан әлем чемпионатында Қазақстан қоржынына кезекті жолдама түсті.

19 Қыркүйек 2019 21:25 445

Эльмира Сыздықова олимпиада жолдамасын ұтып алды

Әйелдер күресінен 76 келіде белдесетін Эльмира Сыздықова Токио ойындарына лицензия жеңіп алды, деп хабарлайды Қазақстан ҰОК баспасөз қызметі.

Сыздықова бірінші айналымда америкалық Аделина Грейгке есе жіберген болатын. Қарсыласы финалға жеткен қазақстандық балуан бүгін екі жұбаныш белдесуін өткізіп, жеңіске жетті.  Сыздықова алдымен италиялық қарсыласын 10:0 есебімен ұтса, кейін Қытайлық Тайпей өкілін 11:6 есебімен ұтты. Осылайша, әлем чемпионатының жартылай финалына жолдама алды.  Бүгін 18:00-де қола медаль үшін кездесулер басталады. Сыздықова германиялық спортшымен белдеседі.  Айта кетелік, бұл әйелдер күресінен иеленген екінші Олимпиада жолдамасы. Бұған дейін 50 келі салмақтағы Валентина Исламова турнирдің қола жүлдегері атанып, Олимпиада лицензиясына қол жеткізген болатын. 

Қазақстан грек-рим күресінен тағы бір жолдама жеңіп алды

Күрес түрлерінен Нұр-Сұлтанда өтіп жатқан әлем чемпионатында қазақстандық балуан Асхат Ділмұхамедов Олимпиада жолдамасын иеленді. Грек-рим күресінен 77 келіде белдесетін ол әлемдік сынның жартылай финалына өтті.

16 Қыркүйек 2019 16:41 829

Қазақстан грек-рим күресінен тағы бір жолдама жеңіп алды

Фото: olympic.kz

Ширек финалда Асхат Ділмұхамедов сербиялық балуанды Виктор Немешті 4:3 есебімен жеңіп, өз жеріміздегі әлем біріншілігінің жартылай финалына өтті, деп хабарлайды Olympic.kz.

Грек-рим күресінің ережесі бойынша лицензиялық әлем чемпионатында 1-ден 6-орынға дейінгі аралықта орын алған балуандар Олимпиада жолдамасына ие болады. Осылайша, Асхат Ділмұхамедов Токио Олимпиадасының лицензиясына қол жеткізді.

Бүгін 60 келідегі Мейрамбек Айнағұлов та жолдама иеленген болатын. 

Асхат Ділмұхамедов 1986 жылы 26 шілдеде дүниеге келген. Халықаралық дәрежедегі спорт шебері. Азия чемпионы және Азия чемпионаттарының қола жүлдегері. Бүгін іріктеу айналымында Асхат Ділмұхамедов екі дүркін Олимпиада чемпионы, төрт дүркін Еуропа чемпионы Роман Власовты жеңген болатын.

Бүгінге дейін #TEAMKZ спортшылары 14 лицензия жеңіп алды. Атап айтар болсақ, Мейрамбек Айнағұлов (грек-рим күресі),  жүзуден Дмитрий Баландин (100, 200 метрге брасс әдісімен жүзу), Екатерина және Александра Немич (синхронды жүзу), жеңіл атлеттер Ольга Рыпакова мен Георгий Шейко, велоспорттан Евгений Гидич, садақ атудан Қазақстан құрамасы (жекелей сынға Денис Ганькин, Ильфат Абдуллин және Санжар Мұсаев қатысады), спорттық құзға өрмелеуден Ришат Хайбуллин және ашық суда жүзуден Виталий Худяков Олимпиадаға жолдама алды.