Оның айтуынша, Үкімет 15 сәуірден бастап жеңілдетілген автокредит берудің жаңа бағдарламасын қаржыландыру туралы жарлық шығарған.
"Оның құны – 100 млрд теңге. Автобус паркін жаңартуға 30 млрд теңге қарастырылған. Жеңілдетілген автокредит бойынша бір көліктің құны – 10 млн теңгеге дейін. Қаржыландыру мерзімі – 7 жыл. Көліктің құны 15 млн теңгеден аспауы шарт. Бұл бағдарламаға осыған дейін қатысқандар да өтініш бере алады. Бір борышкерге 2 жылда тек бір көлік беріледі", – деді Олжас Сапарбеков ОКҚ-де өткен баспасөз мәслихатында.
Ол автокредит екінші деңгейлі банктер арқылы берілетінін жеткізді.
"Бүгінде жеңілдетілген автокредит бағдарламасын жүзеге асыру үшін "Жасыл даму" АҚ-дан қаржы аударылып жатыр", – деді комитет төрағасының орынбасары.
Алайда Олжас Сапарбеков аталған бағдарламаның нақты қашан іске қосылатынын айтқан жоқ.
Дәурен Ерболат
