"БИПЭК АВТО – АЗИЯ АВТО" компаниялар тобының филиалдары жеңілдікпен автонесиелеу мемлекеттік бағдарламасының үшінші кезеңі шеңберінде көлік сатып алуды қаржыландыруға өтініш қабылдай бастады.
Ел үкіметі жеңілдікпен несиелеу мемлекеттік бағдарламасын қаржыландыруға қосымша 8 млрд теңге бөліп отыр. "АЗИЯ АВТО" АҚ зауытының өнімін сатып алушылар үшін бағдарламаның операторы ("Қазақстанның даму банкі" АҚ) бөлінген қаражаттың 50% көлемінде – 4 млрд теңгеге лимит белгілеген.
Мемлекеттік бағдарлама аясында қазақстандықтар "АЗИЯ АВТО" көлік құрастыру зауыты шығарған құны 2 595 000 теңгеден басталатын 30-дан астам көлік моделінен қалағанын таңдай алады.
Бағдарламаның шартына сәйкес, сатып алатын көліктің ең жоғары құны 15 млн теңгеден аспауы шарт. Несиелеу мерзімі – 7 жыл. Сыйақы мөлшерлемесі – жылдық 4 %-дан жоғары емес, сонымен бірге жылдық тиімді мөлшерлеме (көлікті сақтандыру мен кепілге ресімдеу шығындары қоса есептегенде) жылдық 7,5 %-дан аспауға тиіс. Бастапқы жарна – 0% (серіктес-банктің талаптарына қарай), қарыз теңгемен беріледі.
