Министрлік барлық өңірдегі әкімдіктерге Ұлы Отан соғысына қатысқан ардагерлердің барлық санаты үшін материалдық көмектің кепілдендірілген ең төменгі мөлшерін белгілеуді ұсынған. Осыған байланысты Жеңіс күніне әкімдіктер тарапынан 5 млрд 400 млн теңге көлемінде біржолғы көмек қарастырылған.
"Барлық өңірде ҰОС қатысушылары мен мүгедектері үшін біржолғы материалдық көмек кемінде 1 млн теңге, Ақтөбе облысында 2 млн теңге көлемінде болады. Бұрынғы концлагерьлердің кәмелетке толмаған тұтқындарына – 100 мың теңге, қоршаудағы Ленинград тұрғындары мен ҰОС кезінде қаза тапқан жауынгерлердің жесірлеріне – 60 мың теңге, ҰОС қайтыс болған мүгедектердің әйелдеріне және ҰОС жылдары тыл еңбеккерлеріне 30 мың теңге алады", – деді Руслан Сәкеев ОКҚ-де өткен баспасөз мәслихатында.
Айта кетейік, Қазақстанда барлығы 381 соғыс ардагері бар, 97 758 қазақстандық Ұлы Отан соғысы кезінде жеңіске өз үлесін қосқан.
Фото: Түркістан облысы әкімінің баспасөз қызметі
