"Бүгін мен үшін ҰОК тарауы жабылды. 13 қыркүйекте мен ресми түрде бас хатшы лауазымынан өз еркіммен кеттім. Бірден айта кетейін, БАҚ беттерінде осыған дейін тараған "қызметінен босатылды" деген жаңалықтары шындыққа жанаспайтын еді. Заңгерлер маған өз атымды қорғауым үшін сотқа жүгінуге кеңес берген болатын. Алайда, менің атым, ниетім мен ар-намысым таза және қорғауды талап етпейтініне сенімді болғандықтан мұндай ұсыныстан бас тарттым", – деп жазды Жанар.
Сөзінше, ол қызметтен өз арызы бойынша кеткен.
"Жер домалақ. Алдымызда бізді қаншама дүние күтіп тұр. Тамыздан бері маған бірнеше ұсыныс түсті, соның ішінде басқа елдерден де келген ұсыныстар бар. Бірақ, Қазақстаннан артық ешбірі жақын бола алмайды. Дегенмен, алдағы уақытта не болатынын кейінірек шешемін", – дейді Жанар Өтешова.
