Ол мемлекеттік корпорация қандай қызмет түрлеріне басымдық беретінін баяндады, деп хабарлайды inbusiness.kz.
"Қазір барлық мемлекеттік қызметті біздің фронт-офистер арқылы алуға болады. Біз алдымызға қойылған міндетті орындап, мемлекеттің бірыңғай фронт-офисіне айналдық. Егер алдағы бірнеше жылға қойылған міндеттер туралы айтатын болсақ, олар түсінікті және қарапайым. Бізге мемлекет пен азаматтың өзара іс-қимылын оңайлату қажет. Мемлекеттік корпорация осы мақсатты жүзеге асырудың алғышартын жасайды. Сондықтан біз проактивті және композиттік қызметтің санын арттыруға ерекше назар аударамыз", – деді Әділ Қожықов.
Оның сөзінше, корпорация жылжымайтын мүлік пен жер кадастрына қатысты үдерістерді автоматтандыруға сондай-ақ мамандандырылған халыққа қызмет көрсету орталықтарының қызмет сапасын арттыруға басымдық береді.
Қанат Махамбет
