Бұл туралы ауыл шаруашылығы министрі Сапархан Омаров айтты, деп хабарлайды inbusiness.kz.
Министрдің мәлімдеуінше, 1 кәсіпорын Жамбыл облысынан ауданы 5,9 мың, 1 кәсіпорын Павлодар облысынан ауданы 32,2 мың, 1 кәсіпорын Атырау облысынан ауданы 1,6 мың, 4 кәсіпорын Ақмола облысында ауаны 34,7 мың гектарды құрайтын ауыл шаруашылығы мақсатындағы жерді жалға алып, пайдаланып отыр.
"Ел аумағында ауыл шаруашылығы мақсатындағы жерде екі шетелдік компания жұмыс істейді. Оның бірі Шығыс Қазақстан облысында 14,9 мың, екіншісі Жамбыл облысында 3,6 мың гектар алқапты игеріп жатыр", – деді Сапархан Омаров.
Министр жалға алынған жерлер мемлекетке қайтарылатынын атап өтті.
"Бұл жерлер жалға мораторий енгізілгенге дейін берілді. Шетелдік компаниялардың ауыл шаруашылығы жерін жалдау мерзімі 2022 және 2025 жылдары аяқталады. Жалға алу мерзімі аяқталғаннан кейін жалға беру рәсімі жаңа мерзімге ұзартылмайды", – деді министр.
Қанат Махамбет
