Жетісу облысының Ақсу ауданында "Жансүгіров-Матай" автожолының 34-ші шақырымындағы темірбетон құбыры мен жол төсемінің бір бөлігі қирады, деп хабарлайды inbusiness.kz сайты.
Жолдың осы бөлігінде көлік қозғалысы уақытша тоқтатылып, мамандар жедел жөндеуге кіріскен.
Аймақтық ТЖД құбыр өткелін төсеп, топырақ толтырып, нығыздаған.
Кейіннен аудандық тұрғын үй-коммуналдық шаруашылығы, жолаушылар көлігі және автомобиль жолдары, тұрғын үй инспекциясы бөлімінің басшысы Мадияр Нұрахметов жол бөлігі ашылып, қозғалыс қалпына келтірілгенін хабарлады.
"Ақсу-Ойтоған ауылдарының арасындағы жол қалпына келтірілді. Қазіргі таңда арнайы белгілер қойылып, кезекшілік ұйымдастырылды. Жол ашық. Құрметті жолаушылар, аталған жол учаскесінде жылдамдық ережелерін қатаң сақтауды сұраймыз", - деді Мадияр Нұрахметов.
