Жетісу облысының Көксу ауданында таулы аумақта жасөспірім аяғын жарақаттап алып, өздігінен төмен түсе алмай қалған оқиға тіркелді, деп хабарлайды inbusiness.kz сайты.
Оқиға Мәмбет ауылы маңындағы таулы жерде болған.
Жасөспіріммен бірге болған әкесі дереу құтқару қызметіне хабар берген.
Оқиға орнына Қазақстан Республикасы Төтенше жағдайлар министрлігі жедел құтқару жасағының мамандары жетіп, зардап шеккен жасөспірімге алғашқы медициналық көмек көрсетті.
Құтқарушылар оны қауіпсіз жерге эвакуациялап, жедел жәрдем бригадасына тапсырды.
Құтқару жұмыстары сәтті аяқталды.
ТЖМ өкілдері таулы аймақтарға шыққанда қауіпсіздік талаптарын қатаң сақтауға, бағытты алдын ала жоспарлауға және күрделі жер бедерінде барынша сақ болуға шақырады.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
