Жетісулық өнерлі өрендердің инновациялық жобаларын қолдау мақсатында жыл сайын облыс әкімінің арнайы гранты тағайындалады, деп хабарлайды 24.kz.
Өткен жылдың қорытындысы бойынша 8 жоба іріктеп алынған. Жақында оларға 5 млн теңге грант бөлінді. Жеңімпаздардың екеуі мектеп оқушысы.
Байқаудағы ең жас қатысушының бірі – Ескелді ауданындағы Шоқан Уәлиханов атындағы мектептің 8-сынып оқушысы Азамат Жантенов. Жас өнертапқыш қалдықтың өзін табыс көзіне айналдырмақ. Ол үшін термоөңдеу технологиясын зерттеп, арнайы жабдық жасапты.
Ал осы мектептің 10-сынып оқушысы Райымбек Әділханов электронды микроскоп ойлап тапқан. Өресі биік өрендердің екеуі де 1 млн теңгелік грантқа ие болды.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
