Жезқазған қаласына қарасты Кеңгір ауылында полиция талабына бағынбаған мас жүргізуші ұсталды, деп хабарлайды inbusiness.kz сайты.
Патрульдік полиция қызметкерлері мемлекеттік тіркеу нөмірі жоқ автокөлікті тоқтатпақ болған. Алайда 20 жастағы жүргізуші тәртіп сақшыларының заңды талабына бағынбай, көлікпен қашуға әрекет жасаған.
Көп ұзамай ұсталған азаматты тексеру барысында оның алкогольдік масаң күйде көлік басқарғаны, жүргізуші куәлігінің жоқтығы және осыған ұқсас құқық бұзушылықты қайталап жасағаны анықталды.
Сот шешімімен жүргізуші 35 тәулікке әкімшілік қамаққа алынды. Автокөлігі арнайы айып тұрағына қойылды.
Полиция азаматтарды жол қозғалысы ережелерін сақтап, мас күйде көлік жүргізбеуге шақырды.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
