Ұлттық статистика бюросының жиһазбен қамтамасыз етуге қатысты зерттеуіне сәйкес, 2020 жылы еліміздегі үйлердің 94,3%-ында ас үй жиһазы болған: жұмсақ жиһаз – 90%, жатын бөлме жиһазы – 81,9%.
Қала тұрғындарын ауылдықтармен салыстырғанда ас үй жиһазы, (95,9%, 91,3%) және жұмсақ жиһазбен (92,5%, 85,5%) қамтамасыз ету деңгейі жоғары.
Сонымен қатар ауыл тұрғындарының үйінде жатын гарнитурасын жиі кездестіруге болады: 84,9%, қалалықтарда – 80,2%.
Ақмола және Солтүстік Қазақстан облыстарындағы үйлерде 100%
ас үй гарнитурасы бар, ал Қостанай облысындағы көрсеткіш – 82,7%.
Жұмсақ жиһаз көбінесе Солтүстік Қазақстан облысындағы үйлерде кездеседі (99,7%), Қызылорда облысында бұл көрсеткіш төмен (59,1%).
Павлодар облысындағы үйлердің жатын бөлмесіне арналған жиһазбен қамтамасыз етілу деңгейі жоғары – 94,4%, Атырау облысында көрсеткіш төмен – 56,2%.
Биыл 4 айда отандық компаниялар ас үй жиһазына сұранысты (ішкі нарықта сату плюс экспорт) 53,5%-ға қамтамасыз еткен: өткен жылғы көрсеткіш – 62,8%.
Осы кезеңде жиһаз өндірісі 15,5%-ға (бір жылда) немесе 25,4 мың өнімге төмендеген, ал импорт 24,2%-ға (бір жылда), 22,1 мың өнімге өскен.
Өндірілген және импортталған жиһаздың барлық көлемі ішкі нарықта сатылған: 47,4 мың өнім, бір жылда минус 0,9%.
Қонақ бөлмесі мен асханаға арналған ағаш жиһаз сегментінде жергілікті компаниялар сұранысты тек 5,7%-ға қамтамасыз еткен.
Бір жыл бұрынғы көрсеткіш – 13,5%.
Елімізде өткен жылмен салыстырғанда жиһаз шығару үштен бірге азайған – 13,3 мың өнім. Импорт үлесі – 94,3%.
Қазақстанға өткен жылдың қаңтар-сәуірімен салыстырғанда 1,7 есе көп жиһаз: 219,5 мың өнім жеткізілген. Осылайша, ішкі нарықта 232,5 мың өнім сатылған: өткен жылмен салыстырғанда 56,7%-ға артық.
Отандық компаниялар матрасқа сұранысты 41,1%-ға қамтамасыз еткен: өткен жылғы көрсеткіш – 65,7%. Бұл өндірістің жылына 3,4%-ға өсуіне немесе 38,6 мың өнімнің шығарылуына қарамастан болып отыр. Импорт 2,8 есе өскен немесе 55,2 мың матрасқа дейін.
2021 жылғы мамырда жиһаз бен тұрмыстық заттардың бағасы 6,2%-ға (бір жылда) өскен. Заттар айтарлықтай елордада қымбаттаған: 20,8%.
Қарағанды (бір жылда плюс 11,6%) және Маңғыстау (плюс 9,7%) облыстарында баға айтарлықтай көтерілген. Бағаның өсуі барлық 17 өңірде тіркелген.
Жатын бөлмеге арналған жиһаз жиынтығы жылдық динамикада 4,8%-ға қымбаттаған. Диван-кереует – 6,6%, орындық – 5,1%, кілем бағасы 4%-ға өскен.
Дәурен Ерболат
