DOW J 24 580,91 Hang Seng 24 266,06
FTSE 100 6 045,69 РТС 1 215,69
KASE 2 293,95 Brent 36,55
ЖІӨ бойынша Қазақстан Ресейден озып кетті – Сергей Гуриев

ЖІӨ бойынша Қазақстан Ресейден озып кетті – Сергей Гуриев

Сарапшы 20 жыл бұрын Қазақстанның  жалпы ішкі өнім көрсеткіші Ресейден 40%-ға төмен болғанын айтты. 

09 Қараша 2019 10:35 413

ЖІӨ бойынша Қазақстан Ресейден озып кетті – Сергей Гуриев

Экономика ғылымдарының докторы, Sciences Po университетінің профессоры (Франция), Еуропалық даму банкінің бұрынғы бас экономисті Сергей Гуриев Алматыда өткен «Ашық экономика» форумында еліміздің соңғы жылдары жеткен экономикалық жетістіктеріне тоқталды.

«Қазақстан бүгінде орташа табыс деңгейін Ресейден жоғары сатыға жеткізе алды. Енді инновациялар мен білімге негізделген  дамудың келесі кезеңіне өту маңызды. Сондықтан адами капиталға инвестиция салу, білімге негізделген тауарлар арқылы жаһандық нарыққа шығу сынды ілгері жылжудың бірнеше жолы бар»,-дейді Сергей Гуриев.

Сонымен қатар сарапшы, Қазақстан бәсекеге қабілетті қаржылық жүйе құруы керек деп есептейді.

«Себебі табысы орта деңгейдегі елдерге инновациялық саланы инвестициялау үшін әр тараптандырылған қаржылық нарық қажет»,-дейді Сергей Гуриев.

Бұдан бөлек экономист Қазақстан  жалпы ішкі өнім бойынша Ресейден алда екенін айтты.

«20 жыл бұрын Қазақстан жалпы ішкі өнім көрсеткіші бойынша Ресейден 40%-ға төмен болған. Бүгінде дүниежүзілік банк мәліметтеріне сүйенсек, жан басына шаққанда жалпы ішкі  өнім көрсеткіші бойынша Қазақстан Ресейдің алдына шықты. Оның негізгі факторы Қазақстанда жан басына шаққанда мұнайдың көп болуы, одан түскен қаржыны дұрыс пайдалана білуде. Ал тағы бір маңызды фактор Қазақстанға экономикалық санкциялар салынған жоқ»,-дейді сарапшы.

Сергей Гуриевтің пікірінше, қазіргі білім саласы мен ел экономикасының дамуына «Болашақ» бағдарламасы бойынша жастарды оқыту, Назарбаев Университетiн құру жақсы әсер еткен.

«Көп жылдар бойы жоғары білім беру саласында еңбек етіп келе жатқан адам ретінде 25 жыл бұрын Қазақстан билігі жаңа көшбасшыларды дайындау бойынша қабылдаған «Болашақ» бағдарламасы, кейінгі жылдары Назарбаев Университетiн құру өте дұрыс шешім болды деп есептеймін. Ресей билігі мұндай қадамға барған жоқ. Сондықтан заманауи көзқарастағы көшбасшыларды дайындау бойынша артта келеді»,-деп түйіндеді Францияның Sciences Po университетінің профессоры Сергей Гуриев.

Құралай Құдайберген

inbusiness.kz-ті қараңыз, оқыңыз :

Елбасы Вячеслав Володинмен келіссөз өткізді

Кездесу барысында Елбасы Қазақстан мен Ресей Федерациясы арасындағы қатынастарды нығайту жөніндегі жұмыстың нәтижелері мен перспективаларына тоқталды.

23 Қыркүйек 2019 19:51 354

Елбасы Вячеслав Володинмен келіссөз өткізді

Нұрсұлтан Назарбаев РФ Мемлекеттік Думасының төрағасы Вячеслав Володинмен келіссөз өткізді, деп хабарлайды Елбасының баспасөз қызметі.

«Мемлекеттік Дума мен Парламент Мәжілісі тұтастай біздің елдеріміз сияқты достық байланыста. Біздің қатынастарымыз саясатта да, экономикалық салада да, сондай-ақ, мәдени-гуманитарлық ынтымақтастықта да үлгілі болып табылады. Біз әрі қарай да осы бағыттар бойынша жұмысты жалғастыра беретінімізге сенімдімін», – деді Қазақстанның Тұңғыш Президенті.

Өз кезегінде В.Володин Елбасының Қазақстан мен Ресей арасындағы мемлекетаралық қатынастарды орнатудағы және нығайтудағы маңызды рөлін атап өтті.

Сонымен қатар, РФ Мемлекеттік Думасының төрағасы алдағы парламенттік шараға дайындықтың жоғары деңгейін айта келе, парламентаралық байланыстарды нығайтудағы спикерлер кеңесінің өсіп келе жатқан рөліне назар аударды.

Елбасы Ли Чжаньшумен кездесті

ҚР Тұңғыш Президенті Нұрсұлтан Назарбаев ҚХР Бүкілқытайлық халық өкілдері жиналысы Тұрақты комитетінің төрағасы Ли Чжаньшумен кездесті.

23 Қыркүйек 2019 19:27 334

Елбасы Ли Чжаньшумен кездесті

Кездесу барысында Нұрсұлтан Назарбаев Қазақстан мен Қытай Халық Республикасы арасындағы қатынастардың ерекше достық сипатын атап өтті, деп хабарлайды Елбасының баспасөз қзыметі.

­«Тәуелсіздік жылдарында біз Қытай Халық Республикасымен ең жақын достық қатынастар орнаттық. Біздің қатынастарымыз басқа елдер үшін тату көршіліктің үлгісі болып табылады. Төраға Си Цзиньпинмен ерекше қарым-қатынастамын және мен оны өте жоғары бағалаймын», – деді Елбасы.

Қазақстанның Тұңғыш Президенті мемлекетаралық қатынастарды нығайту ісінде Еуразия елдері парламенттері спикерлерінің IV кеңесінің ерекше маңыздылығын атап өтті.

Өз кезегінде Ли Чжаньшу Нұрсұлтан Назарбаевқа ҚХР Төрағасы Си Цзиньпиннің жылы лебіздерін жеткізді.

Сонымен қатар, БХӨЖ Тұрақты Комитетінің Төрағасы Қазақстан Президентімен, сондай-ақ ҚР Парламенті Сенаты мен Мәжілісінің спикерлерімен өткен келіссөздердің нәтижелеріне тоқталды.

«Біз жақсы келіссөздер жүргіздік. Нұрсұлтан Әбішұлы, Сіз бен Қытай басшылығы негізін қалаған Қытай мен Қазақстан арасындағы қатынастар жаңа жағдайларда одан әрі дами түсетіні туралы келісімге қол жеткізілді», –  деді Ли Чжаньшу.

 

Жаңалықтарға жазылу: