Қарағанды облысында көлігімен көрші ауылға шыққан 63 жастағы ер адам 4 күннен бері іздестірілуде, деп хабарлайды inbusiness.kz ҚазАқпаратқа сілтеме жасап.
Облыстық Төтенше жағдайлар департаментінен мәлім еткендей, 10 сәуір күні сағат 03:00-де Нұра ауданында адамның жоғалғаны туралы хабарлама түскен. Өтініш берушінің айтуынша, 8 сәуірге қараған түні 1958 жылы туған ер адам Кәрім Мыңбаев ауылынан автокөлікпен Тассуат ауылына шыққан. Алайда межелеген жерге келмеген.
"Іздестіру-құтқару жұмыстарын жүргізу үшін оқиға орнында ТЖД, полиция және жергілікті тұрғындар жұмылдырылды. Іздестіру жұмыстарына тікұшақ тартылды", - делінген ақпаратта.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
