Бұл туралы ішкі істер министрлігі әкімшілік полиция комитеті төрағасының орынбасары Жандос Мұратәлиев мәлімдеді, деп хабарлайды inbusiness.kz.
Оның сөзінше, есептік кезеңде ел аумағында кәмелетке толмағандардың қатысуымен 1 621 жол-көлік оқиғасы тіркелді. Салдарынан 90 жасөспірім қайтыс болып, 1 860 баланың денсаулығына зақым келді.
"Зардап шеккен балалардың жартысынан көбі жолаушылар. Көп жағдайда ересектер балаларды арнайы ұстау құралынсыз немесе белдікпен бекітпей тасымалдаған", – деді комитеті төрағасының орынбасары.
Жария болғандай, соңғы 7 айда елімізде 7 180 жол-көлік оқиғасы орын алған.
1 017 адам қайтыс болып, 9 533 адам жарақат алған.
"Өткен жылдың есепті кезеңімен салыстырғанда жол-көлік оқиғасының саны – 15%-ға, қайтыс болғандардың саны – 18% және жарақат алғандардың саны – 16% өсті", – деді Жандос Мұратәлиев.
Қанат Махамбет
