Облыстық полиция департаментінің мәліметінше, 47 жастағы ер адам құқық қорғау органдарына арыз түсірген, деп жазады inbusiness.kz сайты.
"Жәбірленуші такси қосымшасы арқылы тапсырыс қабылдап, клиентті межелі жеріне апара жатқанда, жолаушы жүргізушінің рұқсатынсыз көлікте шылым шеккен", – дейді полиция өкілдері.
Клиенттің бұл әрекетіне жүргізуші ескерту жасаған, бірақ жолаушы агрессивті реакция білдіріп, сөзге келген.
Жүргізуші жағдайды ушықтырмау үшін көлікті тоқтатып, жолаушыдан түсуін сұраған. Алайда, ол түсудің орнына жүргізушіге шабуыл жасап, соққыға жыққан.
Қазіргі таңда күдіктінің жеке басы анықталды. Оқиға бойынша сотқа дейінгі тергеу басталды. Сараптамалар тағайындалды, олардың нәтижесіне сәйкес заңды шаралар қабылданады.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
