Бүгін, 2025 жылдың 16 сәуірінде Астананың үстіндегі әуе кеңістігін уақытша жабу туралы хабарлады, деп хабарлайды inbusiness.kz сайты.
Оған басты себеп – әскери парадқа дайындық. Айта кетейік, Қазақстанда 2020 жылдан бері әскери шерулер өткізілмеген.
"Қазақстан Республикасы Қорғаныс министрлігінің ақпаратына сәйкес елордада 2025 жылғы 22 сәуір мен 7 мамыр аралығында сағат 10:00-ден 13:00-ге дейін әскери парадты дайындауға және өткізуге байланысты әскери авиацияның оқу-жаттығу ұшуларын орындау үшін Астана қаласының әуе кеңістігін пайдалануға қысқа мерзімді шектеулер енгізіледі", – делінген ҚР Көлік министрлігінің Telegram-каналында жарияланған хабарламасында.
Осыған байланысты жолаушылардан сапарларын жоспарлау кезінде осы шектеулерді ескеруді, сондай-ақ әуе компания мен әуежайдың ақпарат қызметтерінен рейс күйін тексеруді сұраймыз:
Air Astana
- Алматы: + 7 (727) 244 44 77
- Астана: + 7 (7172) 58 44 77
- қосымша тел.: + 7 702 702 44 77, +7 705 927 44 77
SCAT +7 (7252) 99 88 80
Qazaq Air +7 (727) 356 14 14
FlyArystan +7 (727) 331-10-10, + 7 702 702 02 27 (WhatsApp)
Астана әуежайы +7 (7172) 702–999
