2020 жылдың І тоқсанында әуе көлігімен 1 млн 687 мың жолаушы тасымалданды.
Статистика комитетінің деректері бойынша 2019 жылдың І тоқсанында тасымалданған жолаушылар саны 1 млн 604 мың адам болатын. Демек биыл көрсеткіш 5,2%-ға жоғарылаған.
Әйтседе 2020 жылдың наурыз-сәуір айларында Қазақстанда тасымалданған жолаушылар саны 70%-ға қысқарды.
Оған себеп 1 сәуірден бастап Төтенше жағдайлар жөніндегі мемлекеттік комиссияның тапсырмасын орындау шеңберінде 97 халықаралық бағыт бойынша аптасына 440 рейс немесе барлық халықаралық ұшулардың 99% қысқартылды.
Сонымен қатар 1 сәуірден 1 мамырға дейін барлық тұрақты ішкі рейстер де тоқтатылды.
Еске сала кетсек, 1 мамырдан бастап елімізде ішкі әуе қатынасы қайта қалыпқа келе бастады. Бірінші кезекте Нұр-Сұлтан мен Алматы арасындағы рейстердің ұшуына рұқсат етілді.
