ҚР бас прокуратурасының қызметкерлері қылмыстық жауапқа тарту үшін Ресейден Жомарт Ертаевты экстрадициялады, деп хабарлайды бас прокуратураның баспасөз қызметі.
Оған өткен жылдың наурыз айында халықаралық іздеу жарияланған еді.
"Жомарт Ертаевқа 2011-2017 жылдар аралығында қызметін пайдаланып, өзге тұлғалармен алдын ала сөз байласу арқылы "BANK RBK" АҚ-ның 144 млрд теңгесін жымқырды деген күдік келтірілді. Сондай-ақ, Ертаевпен бірге 54 адам, соның ішінде банктің 41 топ-менеджері мен банктің қатардағы жұмысшылары – бұрын экстрадицияланған Б.Ибрагим, И.Мажинов, Д.Туғанбай, Д.Едігенев, А.Мамырбеков, Т.Шәріповтер күдіктілердің ішінде", – делінген хабарламада.
Осы уақытқа дейін тергеу барысында қабылданған шаралардың нәтижесінде 15 млрд теңге өтеліп, 48 млрд теңге мүлікке тыйым салынған.
Қазіргі уақытта арнайы прокурорлар істі тергеп-тексеруді аяқтады. Процеске қатысушылар материалдармен танысып жатыр.
Жомарт Ертаев Астана қаласының тергеу изоляторына қамалды.
