/img/tv1.svg
RU KZ
DOW J 24 580,91 Hang Seng 24 266,06
FTSE 100 6 045,69 РТС 1 215,69
KASE 2 442,30 Brent 36,55
ЖОО білім грантына үміткерлер құжатты Egov.kz порталында тапсыруы тиіс

ЖОО білім грантына үміткерлер құжатты Egov.kz порталында тапсыруы тиіс

ЖОО мен колледждерге құжат қабылдау 25 шілдеге дейін созылады.  

14 Шілде 2020 19:21 178

ЖОО білім грантына үміткерлер құжатты Egov.kz порталында тапсыруы тиіс

Карантин жағдайында талапкерлерге ыңғайлы болуы үшін білім грантын тағайындау конкурсына қатысу үшін өтініш қабылдау мерзімі ұзарды, деп хабарлайды inbusiness.kz.

Білім және ғылым министрлігі бұл жайында Instagram парақшасында мәлімет таратты.

Мемлекеттік білім грантын тағайындау конкурсына қатысу үшін талапкер Egov.kz электронды үкімет порталы арқылы мына құжаттарды тапсыруы қажет:⠀

- өтініш;

- білімі туралы құжат (аттестат);

- жеке куәлік көшірмесі.

Әзірге медициналық анықтамалар талап етілмейді.

ҰБТ сертификаты жүйеде автоматты түрде пайда болады, сондықтан оны Egov.kz-ке жүктеудің қажеті жоқ. ҰБТ сертификаттары электронды форматта берілген болатын.

Конкурс нәтижесі бойынша мемлекеттік гранттың берілгені туралы электронды сертификат ұсынылады. Талапкерлерге қағаз сертификатты алу үшін ешқайда барудың қажеті жоқ.

Грант тағайындау форматы өзгерген жоқ, яғни маусым айында өткен ҰБТ қорытындысы бойынша үміткерлер мемлекеттік білім грантын тағайындау конкурсына қатысады. Осы жылы гранттар оқу тіліне байланысты болмайды.

Жоғары оқу орындары талапкерлерді тамыздың 10-25 аралығында оқуға қабылдайды.

Жоғары оқу орындарында білім қашықтан беріледі. Дәстүрлі формат жеке кесте бойынша зертханалық жұмыстар, өндірістік оқыту және кәсіби практика үшін өткізіледі.

 

Президенттік кадр резервіне өтінімдерді қабылдау басталды

Президенттік жастар кадр резервіне қатысу үшін үміткерлерге бар болғаны  PKRezerv.kz. сайтына тіркелу қажет.

10 Қыркүйек 2019 19:41 647

Президенттік кадр резервіне өтінімдерді қабылдау басталды

Құжаттарды қабылдау үшін автоматтандырылған онлайн-платформа іске қосылды, деп хабарлайды ҚР цифрлық даму, инновациялар және аэроғарыш өнеркәсібі министрлігінің баспасөз қызметі.

Онлайн-платформаны қолдану жеңіл әрі өте ыңғайлы. Үміткер сайттың басты бетінде  Президенттік жастар кадр резервінің іріктеуіне қатысты  мағлұматты инфографика арқылы біле алады. Онда іріктеуге кімдер қатыса алатындығы, уақыты мен іріктеу кезеңдері жазылған. Тіркеу тәртібі барынша жеңілдетілген.

Үміткерге міндетті түрде өзінің жеке мәліметтерін, аты-жөнін, тегін, ЖСН, іріктеу кезеңдерінен өтуге қолайлы тілді таңдап өзінің ұялы телефоны мен электронды поштасын көрсету қажет. Сонымен қатар ақпараттарды өңдеп сақтау туралы келісіммен танысып, тиісті талаптарды қабылдауы керек. Талаптарды қабылдамайынша үміткер Президенттік жастар кадр резервіне қатыса алмайды.

188 үміткер «Болашақ» стипендиясының иегері атанды

Стипендия иегерлері шетелдік ЖОО-ларда магистратура, докторантура бағдарламалары бойынша білім алады. 

28 Тамыз 2019 10:24 437

188 үміткер «Болашақ» стипендиясының иегері атанды

Шетелде мамандар даярлау бойынша республикалық  комиссия отырысының шешімі бойынша 188 үміткерге «Болашақ» халықаралық стипендиясы тағайындалды, деп хабарланды халықаралық бағдарламалар орталығынан.

Енді стипендия иегері атанғандар шетелдік жоғарғы оқу орындарында магистратура, докторантура бағдарламалары бойынша білім алады. Сондай –ақ,  әлемдік ғылыми және өндірістік орталықтарға тағылымдама бойынша да жіберілетін болады.