ЖРВИ, КВИ дифференциалды диагностикасы және тұмауға қарсы вакцинациясы туралы онлайн-брифинг барысында Қоғамдық денсаулық сақтау басқарманың штаттан тыс бас инфекционисті Тамара Ұтағанова тұмауға қарсы вакцина тақырыбын көтерді.
"Күз мезгілі ЖРВИ-дің өршитін уақыт. Ал онымен ауырған адамның иммунитеті әлсірейді. Сондықтан адамдар коронавирустың жаңа толқынына әлсіреген күйде кіруі мүмкін. Бұдан халықты қорғау үшін тұмауға қарсы вакцияна салынады", – деген дәрігер-сарапшы екпе бірінші кезекте кімге жасалатынын айтты.
"ЖРВИ-ге қарсы вакцина жасы 65-тен асқан, жиі ауыратын балалар, аяғы ауыр әйелдер, иммун тапшылығы бар адамдар, кез келген өкпенің созылмалы ауруымен ауыратын науқастарға және медициналық қызметкерлерге салынады", – деді Тамара Ұтағанова.
Еске сала кетсек, Алматы әкімі Бақытжан Сағынтаев бұған дейін қала халқына тұмауға қарсы вакцина салу мәселесін көтерген болатын.
Құралай Құдайберген
