Бұл туралы ҚР ҚМ Мемлекеттік кірістер комитетінде хабарлады, деп жазды inbusiness.kz.
Кездесуге қатысушылар шекараның қазақстандық учаскесінде бір жүк автокөлік құралының өту уақыты орта есеппен 20 минуттан аспайтынын және автокөлік құралдары кезегінің жиналуына әкелмейтінін атап өтті.
"Қазақстандық тарап Қазақстан Республикасының аумағында салықтық тексерулер жүргізу процесін көрсетті, оның барысында барлық жүк көліктерінен құжат жүзінде рәсімделмеген тауарлар, оның ішінде брендтік тауарлар анықталды", – деп жазылған хабарламада.
Өз кезегінде, кездесуге қатысушылар тексерулердің Қазақстан Республикасының салық заңнамасын қатаң сақталып жүргізілетініне көз жеткізді.
Кездесу барысында Қазақстан тарапы жүргізіліп жатқан бақылау шараларын, бұзушылық фактілері және Қырғыз Республикасымен қол жеткізілген уағдаластықтардың орындалуы бойынша шараларын таныстырды.
Құралай Құдайберген
