Елімізде ескі жүк көліктерін утилизациялау басталды, деп хабарлайды Аtameken Business.
Жолаушы тасымалына арналған темір тұлпарлар да қабылданады. Ол үшін азаматтарға 600 мың теңге көлемінде ақы төленеді. Қаражат екі күн ішінде көлік иесінің банктегі есеп шотына түседі. Ескеретін жайт, бұл жолы жеңілдік сертификаты берілмейі. Сыйақы көлемі айлық есептік көрсеткішке байланысты. Мәселен, салмағы 1,3 тоннадан жоғары М2, N1, N2 тобындағы техника үшін 400 мың теңге, ал бөлшегі түгел болмаса 350 мың теңге алуға болады. М3, N3 санатындағы көліктер 550-600 мың теңгеге бағаланады. Жалпы жыл басталғалы жоюға 150 мың машина тапсырылған. Оның 2 жарым мыңы орташа тонналық, 600-ге жуығы ауыр техника құралдары.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
