Жетісу облысында жүк пойызы мен трактордың соқтығысуы салдарынан екі адам зардап шекті, олардың біреуі қаза тапты, деп хабарлайды inbusiness.kz тілшісі ІІМ баспасөз қызметіне сілтеме жасап.
Оқиға Қаратал ауданы, Қанабек ауылындағы темір жол өткелінде болған.
"Оқиға орнынан екі зардап шегуші аудандық ауруханаға жеткізілді, олардың бірі 41 жастағы ер адам қайтыс болды. Екінші жарақат алған 18 жастағы жасөспірім медициналық тексеруден өтіп жатыр. Екеуі де трактордың ішінде отырған", – деп жазылған хабарламада.
Оқиға орнында полиция қызметкерлері жұмысын жалғастыруда. Сотқа дейінгі тергеу басталды.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
